مكملين في نوفمبراشتري نظارة… التانية بخصم ٧٥٪خصم ٣٠٪ أو التانية -٧٥٪خصم ٣٠٪ على الفريم لوحده · أو التانية بخصم ٧٥٪ · في جميع فروع سي او سي وأونلاين

سي او سي / سياستنا

شروط الخدمة

الشروط دي بتنظّم الشرا من موقع سي او سي للنظارات. لما تطلب من الموقع تبقى موافق عليها.
→ كل السياسات

البايع

البايع في كل طلب على الموقع ده هو سي او سي للنظارات. الاسم والعنوان وأرقام التواصل مكتوبة في «بيانات الشركة» آخر الصفحة.

الطلب

بعد ما تبعت الطلب، بنكلمك على رقم الموبايل اللي كتبته نأكد العنوان وطريقة الدفع. لو منتج طلع مش متاح، بنقولك قبل ما نشحن.

الأسعار

الأسعار بالجنيه المصري، والسعر اللي بيتحسب هو اللي ظاهر وقت الطلب. العروض بتتخصم في السلة وفي صفحة إتمام الطلب، مش بسعر مشطوب على المنتج.

مصاريف التوصيل على حسب المحافظة، وبتظهر قبل ما تأكد الطلب.

سياسة الشحن ←

الدفع

بتختار طريقة الدفع وقت الطلب. الدفع بالكارت بيتم على صفحة شركة الدفع، واحنا ما بنشوفش رقم الكارت ولا بنحفظه.

عدسات الكشف

العدسات الطبية بتتعمل على الكشف اللي بتبعته أو بتكتبه، فاتأكد إن الأرقام صح. لو في حاجة في الكشف مش واضحة، زي البريزم أو علامة الموجب والسالب، بنراجعها معاك قبل التصنيع.

الاستبدال والاسترجاع والضمان

  • استبدال أو استرجاع خلال ١٤ يوم من الاستلام، لو النظارة بحالتها ومعاها الفاتورة. مصاريف توصيل الإرجاع على العميل.
  • لو فيها عيب صناعة: ٣٠ يوم + ضمان ٦ شهور على الفريم.
  • عدسات الكشف بتتعمل مخصوص ليك، فبنستبدلها بس لو فيها غلطة في التصنيع.
التفاصيل ←

الصور والألوان

لون النظارة في الصورة ممكن يبان مختلف شوية حسب الشاشة والإضاءة. لو محتار في لون، ابعتلنا واتساب قبل ما تطلب.

القانون

الشروط دي خاضعة لقوانين جمهورية مصر العربية، ومنها قانون حماية المستهلك رقم ١٨١ لسنة ٢٠١٨. أي خلاف بيتحل قدام محاكم القاهرة المختصة.

لو الشروط اتغيّرت

ممكن نعدّل الشروط دي، والتعديل بيمشي على الطلبات اللي بعده بس.

بيانات الشركة

الاسم
سي او سي للنظارات
الاسم القانوني
سي او سي لتجارة النظارات وادارة المحلات
العنوان الرئيسي
٥٠ ميدان الجمهورية، البلاقسة، عابدين، القاهرة
الإيميل
info@coceyewear.com
رقم السجل التجاري
99755
رقم البطاقة الضريبية
535-582-927

آخر تحديث: ٣٠ أكتوبر ٢٠٢٦

كلمنا واتساب